சித்தம் போக்கு சிவன்போக்கு
என்பது முதுமொழி.
அஃதாவது மனம் போன போக்கெல்லாம் போகக் கூடியவர்
சிவபெருமான் என்பதல்ல இதன்
கருத்து. சிவனுடைய போக்கு
அன்பு நிலை. அதனாலேயே ‘அன்பே சிவம்’ என்றார்.
திருமூலரும்,
அன்பும் சிவமும் இரண்டென்பர் அறிவிலார்
அன்பே சிவமாவது ஆரும் அறிகிலார்
அன்பே சிவமாவது ஆரும் அறிந்தபின்
அன்பே சிவமாய் அமர்ந்தி ருப்பாரே
என்கிறார்.
இவ்வன்பு நிலையை மையமாகக் கொண்டு இறைவனை
நேசித்தவர்கள்
சித்தர்கள். அதனால் சித்தர்கள் பின்பற்றிய வழி
அன்பு நெறியாகும்.
கடவுள் வெளியில் இல்லை , நம் உள்ளத்திற்குள்ளே
இருக்கின்றான் என்று கூறி வலியுறுத்தியவர்கள் சித்தர்கள்.